Presidenti i SHBA mposhtet pikërisht në atë çka ai di të bëjë më mirë, të shprehet me mimikë.

Është pikërisht një 17-vjeçar i cili është kthyer në personin që rrëmbeu vëmendje pasi ndryshon herë pas here fytyrën teksa presidentiflet.

Ngjarja u regjistrua në Montana, ku presidenti ishte duke mbajtur një fjalim.

I riu Tyler ndodhej prapa shpinës së Trump dhe siç duket në video, ndërsa ai flet 17-vjeçari shprehet me mimikë duke vënë në lojë kreun e Shtëpisë së Bardhë. Ai duket sikur çuditet me fjalimin e Trump apo nuk bie dakort me të.

Por kjo nuk zgjat shumë sepse i riu zëvendësohet nga dikush tjetër që vetëm buzëqesh dhe sillet sipas rregullave.

Pamje të tilla nisën të qarkullojnë menjëherë në media duke u bërë virale.