UKT ka dhënë një njoftim të rëndësishëm për të gjithë qytetarët.

Tashmë faturat e ujit mund ti paguajmë dhe nëpërmjet celularit.

Ndërmarrja e Ujësjellësit dhe Kanalizimeve bënë me dije se nëpërmjet aplikacionit "online.ukt.al" të gjithë banorët mund të bëjnë pagesat duke kursyer kështu kohë dhe duke shmangur lodhjen e pritjes në radhë.

“Mjafton të shkoni në faqen e internetit online.ukt.al! Duke përzgjedhur “Apliko” ju do të kaloni në faqen tjetër të regjistrimit të të dhënave. Është e rëndësishme që të plotësoni saktë të gjitha fushat.

Automatikisht nga sistemi gjenerohet një fjalëkalim. Vetëm me të dhe numrin e kontratës tuaj ju mund të aksesoni në faqen tuaj personale të të dhënave”, thuhet në njoftimin e UKT-së.