Ulet me 50% përdorimi i qeseve plastike në supermarketet e Tiranës duke ndikuar ndjeshëm edhe në zvogëlimin e ndotjes në kryeqytet.
Pak kohë më parë Bashkia e Tiranës ndërmori një nismë për reduktimin e ndotjes duke i vendosur me lek qeset plastike.
Kësaj nisme deri tani i janë bashkuar 21 supermarkete
Sipas marrëveshjes së mirëkuptimit midis Bashkisë së Tiranës me marketet, këto të fundit angazhohen që të marrin masat për të ulur deri në ndalimin e plotë të përdorimit të qeseve plastike në pikat e tyre të shitjes.

Për të nxitur qytetarët që të përdorin trastat dhe për t’i dekurajuar në përdorimin e qeseve, ato jepen nga marketet kundrejt një pagese prej 3 dhe 5 lekësh.

Në Tiranë përdoren çdo muaj 100 ton qese, duke shkaktuar në jo pak raste probleme me kanalizimet pas reshjeve të shiut.