Këtë mëngjes, New York-u u zgjua me një pamje tjetër. Sigurisht që ishte diçka e planifikuar mirë nga State Street Global Advisors. Këta të fundit instaluan para demit të bronxtë në Wall Street një tjetër statujë, atë të një vajze të vogël që qëndronte e patrembur para demit gjigand. Kjo statujë e quajtur ndryshe “Vajza e Patrembur” u shoqërua me një deklaratë ku thuhej: “Mësoni fuqinë e femrës si drejtuese. AJO bën diferencën.”

Nga ana tjetër, artistja Kristin Visbal foli për veprën e saj duke thënë se është një copëz arti me të cilën çdo femër ka një lidhje. Demi është një simbol mashkullor i trimërisë dhe vendosmërisë. Duke qënë se Wall Street ka qënë gjithmonë një zonë e dominuar nga meshkujt, për mua kjo vajzë e vogël dhe delikate është tepër e fuqishme.”