E diela është dita që qytetarë të shumtë zgjedhin parkun e Liqenit Artificial për të qënë pranë natyrës, e për të kaluar një ditë ndryshe, larg zhurmës së kryeqytetit. Pikërisht këtë ditë ka zgjedhur edhe Kryetari i Bashkisë së Tiranës Erjon Veliaj, për të përcjellë mesazhin e tij, se këndi i lodrave, i projektuar për tu ndërtuar në këtë hapësirë, jo vetëm që do të ndërohet por do të jetë gati në 1 Qershor. Nga një aktivitet për fëmijët në Parkun e Liqenit kryetari i Bashkisë Erion Veliaj përcolli mesazhin se këndi i lojrave tek Parku i Liqenit do të ngrihet. Sipas Veliajt ata që po protestojnë kanë zgjedhur një betejë të gabuar, atë me fëmijët, pasi u dogjën nga qulli i qeverisjes vendore të Lulzim Bashës. “Unë i mirëkuptoj, qytetarët nuk janë ata vandalët por kanë zgjedhur gabimisht një garë me fëmijët. Por ju garantoj se fëmijët e qytetit të Tiranës janë më të fortë se çdo ndërtues, çdo bisnes e çdo parti. Nëse ka dyshim se do të pritet një pemë, le të vijnë dhe të matrikullojnë çdo pemë dhe me 1 Qershor, kur ne do të hapim këndin e lojërave të verifikojnë nëse janë aty të gjitha pemët dhe shkurret. Kjo është oferta jonë”. Veliaj përsëriti dhe një herë se ishte gati për të firmosur kontratën me përfaqësuesit e shoqërisë civile për mbikqyrjen e punimeve tek Liqeni dhe matrikulimin e çdo peme. “Nëse kanë dyshim jam, gati të lidh një kontratë me ta, të mbikqyrin ata punimet, ofertë më të sinqertë se kjo nuk ka”.