Vetëm pak orë pasi Këshilli i Mandatave përfundoi mbledhjen për çështjen Tahiri ku u vendos se në parlament do të shkohet me dy variante, reagoi edhe LSI.

Në një komunikatë për mediat, Monika Kryemadhi u shpreh se me këtë vendim u vërtetua se kryeministri Edi Rama ka dy standarte dhe se pa vetting në politikë, nuk mund të ketë vetting në drejtësi.

“Rama ka dy standarte. 1 për vete 1 për jenicerët e drogës.Mazhoranca votoi pro narkoqeverisjes. Sot më shumë se kurrë nuk mund të ketë drejtësi për shqiptarët, Rama vërtetoi se është kreu i bandave dhe krimit.Pa u bërë vetting në politik, s'ka drejtësi.

Rama me këtë votim i bëri shërbim frikës së tij të madhe. Parlamentarizmi mori fund. Asnjë ndërkombëtar nuk beson më në dënglat e Ramës për Reformën në drejtësi" u shpreh Kryemadhi.