Lëvizja Vetëvendosje do të mbajë zgjedhjet për kryetarin e ri të partisë. Këshilli i Përgjithshëm ka votuar ditën e dielë pro shpalljes së zgjedhjeve për kryetarin e kësaj force politike. Mediat kosovare raportojnë se kryesia ka vendosur që të shpallen zgjedhjet për kryetar të Vetëvendosjes. Në mbledhjen e sotme të Këshillit të Përgjithshëm janë prezent 133 delegatë të Vetëvendosjes, megjithatë mungon kryetari aktual, Visar Ymeri, si dhe figura të tjera të rëndësishme të kësaj partie. Kjo mbledhje është kërkuar të bëhet pas përplasjeve të brendshme brenda partiake.