Rradhët s’u ndahen shqiptarëve edhe kur duhet të kenë një adresë të saktë. Programi për të patur një adresë të njehësuar ka nisur që një vit më parë me delegimin e kompetencave nga qeveria te OSHEE, e kjo e fundit nënkontraktoi një kompanin private për ta kryer atë. Shumë familje janë regjistruar nga grupe punonjësish pranë banesave të tyre pa patur nevojë të shkojnë në zyrat e posaçme, ndërsa të tjerë janë drejtuar për sqarime në këto ambjente. Po shumë prej tyre janë ende të paqartë se çfarë dokumetash duhet të plotësojnë.
“Kam ardhur tre herë e s’kam mbaruar punë,” tha një qytetar. “S’dinim gjë na tha një komshie,” shtoi një grua.
Ndërsa shumë qytetarë të tjerë u shprehën se mbaruan punë brenda ditës.
“Shtëpine e kisha mbyllur e punonjësit nuk na gjetën dhe erdha vetë në këto zyra, po mbarova punë”, u shpreh një banor i Tiranës.
Për të gjithë ata që ende nuk janë regjistruar për tu pajisur me një adresë të saktë para se të shkojnë tek zyrat e ngritura për këtë çështje duhet të kenë me vete kartën e identiteti, librezën e dritave dhe një foto të derës së shtëpisë ku më parë është vendosur dhe një numër identifikues.