Vrasja e dy kushërinjve, Mikel Jushi, 30-vjeç dhe Jani Jushi, 35-vjeç mbrëmjen e djeshme tronditi qytetin e Laçit. Lidhur me këtë ngjarja kanë dalë detaje të reja. Disa dëshmitarë okularë kanë treguar se si konflikti nisi që brenda në lokal dhe si ka vijuar edhe në ambientet e jashtme.

Kur dy viktimat kanë parë armët, kanë vrapuar, por autori i ka ndjekur për rreth 100 metra dhe i ka qëlluar të dy.  Ende nuk dihen shkaqet e këtij sherri, por paraprakisht dyshohen sherre të vjetra ose prishja e pazarit të drogës. Megjithatë të pranishmit kanë thënë se gjithçka ka nisur nga një debat banal mes dy kushërinjve që ishin pronarët e lokalit dhe autorit.