Whatsapp ka njoftuar një ndryshim të madh në shërbimin e tij, që do të mërzisë shumë persona që e përdorin atë për të komunikuar me të afërmit dhe miqtë. Ju bezdisin programet që kanë reklama të faqeve të ndryshme?

WhatsApp është një ndër të paktët programe që nuk ka të pranishme këto reklama, por nuk do të zgjasë edhe shumë. Në 2019-të sipas ‘Forbes’ edhe aplikacioni në fjalë do të preket nga reklamat. Ato do të vijnë në ndihmë të bizneseve të cilët duan të reklamohen dhe të përdorin aplikacionin. Ideja fillestare është që shfaqja e tyre do të bëhet pranë statusit personal të një përdoruesi, por ende nuk është e sigurt. Shumë njerëz janë shprehur të pakënaqur për këtë ndryshim, por vendimi i drejtuesve nuk do të ndryshojë.