Adoleshentët dhe jo vetëm, në ditët e sotme kalojnë një kohë shumë të madhe duke iu përkushtuar teknologjisë dhe rrjeteve sociale që ata kanë, në “Facebook”, “Instagram”, “Tëitter”, “SnapChat” e të tjera me radhë. Celulari dhe të gjitha rrjetet e teknologjisë shikohen si një botë më vete, ku gjithsecili mund të humbasë në një farë mënyre edhe botën që ka përreth.

Një nga platformat më të përdorura është padiskutim Snapchat i cili numëron shumë përdorues për të cilët ka qenë i vështirë në fillim dhe të gjithëve na ka ndodhur që të dërgojmë një mesazh padashje, mirëpo tani nuk do ketë ndonjë problem sepse mund ta fshijmë. Është kjo risia më e fundit e Snapchat dhe është shumë e thjeshtë. Mjafton të mbani të shtypur gishtin te mesazhi që keni dërguar dhe të shtypni “Delete”, kaq.