Danney Williams është 30-vjeç dhe pretendon se është djali biologjik i ish-presidentit amerikan, Bill Clinton. Ai ngul këmbë se ka ardhur në jetë nga marrëdhënie e Clintonit me nënën e tij, në atë kohë prostitutë dhe kërkon të njihet si djali i tij.

E ndërsa bashkëshortja e tij, Hillary Clinton, është kandidatja e parë femër për të zënë karrigen e Presidentit në SHBA, zërat se ish-Presidenti amerikan Bill Clinton ka një djalë të jashtëligjshëm me një prostitutë kanë rifilluar të qarkullojnë.

Danney Williams në dhjetor të këtij viti ka hapur një faqe në Facebook me emrin Danney Williams-Clinton, duke pasur si synim të tërhiqte vëmendjen e familjes Clinton. Pretendimet se Danney është djali i një prej të dashurave të Clinton nuk janë të reja, por ato nuk janë heshtur përgjithmonë.

Një test ADN-je i realizuar nga revista “Star” në vitin 1999 arriti në përfundimin se Danney nuk mund të jetë djali i ish-Presidentit, por në atë kohë mbetën shumë pikëpyetje rreth saktësisë së testit.

Historia e Danney fitoi fillimisht vëmendje ndërkombëtare në vitin 1992, kur Bill Clinton hodhi kandidaturën për President i SHBA-ve.

“The Globe” intervistoi mamanë e Danney, një ish-prostitutë e quajtur Bobbie Ann Williams, e cila tregon se si ajo u takua dhe nisi një lidhje me Bill Clinton në vitin 1984.

Sipas saj Clinton e ka paguar disa herë për të kryer marrëdhënie seksuale me të gjatë periudhës që ajo mbeti shtatzënë. Edhe pse Clinton nuk e pranoi kurrë atësinë e fëmijës, si para edhe pas lindjes, Bobbie Ann Williams në rrëfimin e saj thekson se dyshimet se djali i saj ishte fëmija i Guvernatorit të Arkansas në atë kohë, pasi edhe pse ajo ishte me ngjyrë fëmija kur lindi kishte një “hije” bardhoshi.