Kryetari i KQZ, Klement Zguri dhe familja e tij janë kërcënuar. Burimet për mediat tregojnë se kërcënimet kanë ndodhur pas mbledhjes së KQZ-së ku pati debat të ashpër dhe palët u përplasën për hapjen e kutive të 30 qershorit. Kërcënimet kanë qenë në adresë të tij dhe të familjes. Për shkak të këtyre kërcënimeve serioze Zguri është marrë në mbrojtje nga një numër i madh efektivësh të Gardës.

Ndërkohë është zbuluar dhe mesazhi të cilin Zguri ka marrë përmes rrjetit social Facebook.

Shtetasi me identitet E.Pjetrini, i ka shkruajtur: “O m*t, do të vras ty edhe familjen”, shkruan TopChannel.

Klement Zguri aktualisht po ruhet nga katër punonjës të Gardës së Republikës.