Demokratja Rudina Hajdari ka zgjedhur një mënyrë ndryshe për të folur në parlament. Nuk ka lexuar, por recituar.
Gjatë recitimit deputetja si gjithnjë ka bërë disa herë lapsuse. Në përmbajen e “vjershës”, ka sulmuar si Bashën ashtu dhe Ramën dhe ironikisht njërin e quan  kryetari në tentativë i legjionit të shpërbërë dhe tjetrin gjenerali hije.

Pjesë nga poezia plot metafora:
‘Ndërkohë që gjenerali hije me ushtri të mpirë ëndërron se ka punësuar në Shqipëri më shumë se gjysma e gjithë rajonit, biznesi po gulçon e kllapia e gjatësisë së tij e kap. Ndërkohë që gjenerali hije me ushtri të mpirë me gastorin e tij kimik luan luftrash, njerëzisë u idhtohet shpirti e iu përloten sytë. Nga krahu tjetër kryetari në tentativë i legjionit të shpërbërë u premton mjekëve se do t’i lajë me flori, mjekët dhe gjithë njerëzia çuditen. Ndërkohë që kryetari në tentativë i legjionit të shpërbërë u premton studentëve të çlirojë universitetet duke luftuar drogën e oligarkinë, studentët e njerëzia çuditen.
Kryetari në tentativë i legjionit të shpërbërë u premton Astirasve se nga Astiri nuk do heqë Astirin e ka për të qenë përherë Astir, Tirana vazhdon anormalitetin e anormalëve!”