Flakët e zjarrit kanë përshirë një sipërfaqe në pjesën periferike të Parkut Kombëtar të Dajtit. Të favorizuar nga temperaturat e larta dhe era, flakët po vijojnë të përhapen, duke e zgjeruar vatrën.

Nuk dihet ende shkaku i rënies së zjarrit një malin e Dajtit, ndërsa po punohet për neutralizimin e flakëve. Zjarri ka rënë në një zonë të thepisur në një lartësi 500 metra, dhe terreni i thyer e vështirëson ndërhyrjen. Pak më parë u përfshi nga flakët mali i Ibës së sipërme.